Plantun de Prouvènço

Pèr coumpara dos planto d'encò nostre

Ceratophyllum demersum & Tortella humilis

Courniflo

Ceratophyllum demersum

Ceratophyllaceae

Autre noum : Limoun.

Noms en français : Cornifle nageant, Cératophylle immergé.

Descripcioun :
La courniflo es uno planto d'aigo devengudo coumuno dins d'ùni relarg au nostre. Trachis dins li palun o li roubino ounte l'aigo èi pas trop mouvadisso. A tipicamen un biais en co de reinard. Se recounèis majamen à si fueio verticillado pèr 4 à 10, que dounon d'èr à de corno (courniflo) o de bano s'amès mies. Aquesto planto mostro que l'aigo, richo en minerau (poulucioun agricolo), èi pas trop bono e souvènt pas gaire claro (fotò). Es uno planto interessanto dóu poun de vist filougenetico que sèmblo uno meno primitivo de dicoutiledone.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Grando erbo
Taio : 0,5 à 3 m
Fueio : verticilado
Tipe bioulougico : Idroufite
Cicle bioulougico : Planto renadivo

Gènre : Ceratophyllum
Famiho : Ceratophyllaceae

Ordre : Ceratophyllales

Coulour de la flour : Brunello
Petalo : >6
Ø (o loungour) flour : 3 à 5 mm
Flourido : Printèms - Estiéu

Sòu : ges
Autour basso e auto : 0 à 600 m
Aparado : Noun
Mai à juliet

Liò : Aigo
Estànci : Termoumediterran à Coulinen
Couroulougi : Cousmoupoulito
Ref. sc. : Ceratophyllum demersum L., 1753

Mousso-espiralo-di-pichot

Tortella humilis

Pottiaceae

Nom en français : Petite tortelle.

Descripcioun :
Aquelo mousso de pichoto taio e d'un verd clar, trachis en mato denso sus li roco cauquiero mountagnouso. Li fueio que se destacon eisadamen, de 1,5 à 3,5 mm e acabado pèr un benc ialin, se recounèisson coume tóuti li Tortella à soun V entre la baso ialino e lou aut verd. Mousso autouïco, fai facilamen d'espouroufite. La sedo jauno, roujinasso à la baso èi longo d'aperaqui 1,5 cm e l'urno (3 mm) a un peristome espirala de dous à quatre tour. La planto es aparado, marcado sus listo roujo categourìo LC valènt à dire soucit minour.

Usanço :
Poudèn s'engana emé d'àutri mousso dóu gènre Tortella o de gènre proche. Pamens, es uno di raro mousso-espiralo à faire d'espouroufite emé sa sedo jauno.

Port : Acroucarpo
Taio : 0,3 à 0,5 cm
Fueio : 1,5 à 3 mm
Tipe bioulougico :
Cicle bioulougico : Planto renadivo

Gènre : Tortella
Famiho : Pottiaceae

Ordre : Pottiales

Coulour de la flour :
Petalo : 1 à 1,5 cm
Ø (o loungour) flour : Espirala di 2 à 4 tour
Flourido : Printèms - Estiéu

Sòu : Ca Si
Autour basso e auto : 0 à 1600 m
Aparado : Noun
Abriéu à juliet

Liò : Roco - Sòu - Baso d'aubre
Estànci : Mesoumediterran à Mountagnard
Couroulougi : Oulartico
Ref. sc. : Tortella humilis (Hedw.) Jenn., 1913 (= Barbula caespitosa Schwägr., 1811 = Tortella caespitosa (Schwägr.) Limpr. )

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Ceratophyllum demersum & Tortella humilis

ges

Coumpara Courniflo emé uno autro planto

Coumpara Mousso-espiralo-di-pichot emé uno autro planto